Í Írlandi fara børn, sum eta Rice Krispies til morgunmatar at fáa bøkur í staðin fyri sum fyrr at fáa ymsar plastfigurar.

Eitt írskt forlag, sum gevur bøkur út til børn og ung, hevur gjørt avtalu við bókahandlar og Kellogs fyritøkuna um at leggja ein seðil inn í pakkarnar, so at børn kunnu fara í bókahandilin at ogna sær eina bók at lesa.
Tiltakið verður sjálvandi gjørt fyri at vinna pengar, men samstundis er tað eisini ein liður í at fáa fleiri børn at lesa.
Børnini hava seks ymsar bøkur at velja ímillum, og longu nú kunnu foreldur í Írlandi fara til handils og keypa Rice Krispies og álíkavæl gera eina góða gerð fyri børnini.