Anne Frank

1929-1945
Var fødd í Frankfurt í Týsklandi. Hon var av jødiskari ætt ,og familjan mátti tí flyta til Amsterdam í 1933 fyri at sleppa undan vaksandi nasistiska áganginum í Týsklandi.
Ágangurin móti jødum í Niðurlondum vaks eisini, eftir at landið varð hersett av týskarum, og tí máttu tey fjala seg fyri teimum. Í juli 1942 noyddust tey at búgva í fjaldum rúmum í bygninginum, har pápin Otto Frank hevði arbeitt.
Tvey ár seinni tann 4. august 1944 vóru tey avdúkað og flutt til týningarleguna Auschwitz. Har blivu menn og kvinnur skild sundur og sóu einki til hvønn annan meira. Í oktober sama ár vóru Anne, systirin Margot og Augusta von Pels, sum eisini hevði goymt seg saman við teimum, fluttar til Bergen Belsen. Mamman, Edith Frank var verandi eftir í Auschwitz. Í mars 1945 fór tyfus at ganga í leguni og drap 17.000 fangar, harímillum Anne og systrina Margot.
Tær liggja grivnar á ókendum stað í hópgrøv í Bergen Belsen saman við øllum hinum, ið máttu lata lív í týningarleguni.
Anne Frank gjørdist kend, av tí at hon skrivaði dagbók meðan hon fjaldi seg í Amsterdam. Dagbókin varð funnin í 1946 og givin út. Síðan er hon spæld bæði á palli og sum filmur.
 
Útgávur:
2001 Anna Frank dagbókin
 
Ummæli/umrøða:
Ernst Schnabel: The Footsteps of Anne Frank. Pan 1988
Alison Leslie Gold: Hannah Goslar Remembers. Bloomsbury 1998
Carol Ann Lee: Roses from the Earth. Penguin 1999
Roger Rosenblatt: Anne Frank. Time 14. juni 1999
Enzer/Solotaroff-Enzer (ritstj.): Anne Frank: Reflections on her life and legacy. University & Illinois Press 2000.
 
Heimasíður:

UNESCO. Memory of the World Register

 


« Aftur



Bøkur eftir høvunda:



Aftur Víst 1 av 1 Fram
Anna Frank Dagbókin

ANNA FRANK - DAGBÓKIN er millum mest lisnu bøkur í Vesturheiminum eftir seinna heimsbardaga. Bókin er ein innilig lýsing og eitt tungt farvæl. Eitt ómissandi skjal um eitt tíðarskeið, vit aldrin mugu gloyma.


Rithøvundur: Anne Frank     Útgávuár: 2001




Aftur Víst 1 av 1 Fram