23-08-2010 Anna Frank


 

Anna Frank er ein bók um eina gentu, sum livdi undir krígnum í Hollandi – ella í Niðurlondum, sum tað verður sagt í bókini. Av tí at hon var jødi, mátti hon krógva seg fyri nasistunum, tí teir hataðu jødar. Familjan hjá Annu Frank krógvaði seg í einum loynirúmi. Anna Frank átti eina dagbók, sum hon skrivaði í alt tað, sum hon upplivdi, meðan hon krógvaði seg.


Eg haldi, at bókin er sera spennandi og góð. Tað mest spennandi er, tá familjan hjá Annu Frank fór til legurnar. Tað syrgiligasta er endin á bókini. Bókin er løtt at lesa, tað einasta, sum er ringt at lesa, er nøvnini á fólkum og býum. Myndirnar í bókini eru eisini góðar, tí tær gera, at mann fær meiri at vita. Mær dámar væl sovorðnar bøkur, tí tær eru spennandi og mann fær nógv at vita um, hvussu alt var fyrr.

 

Guðrið Egholm, 10 ár, ummældi bókina.


  Aftur