Sigursteinurin

Søgan um Sigursteinin er grundað á gomlu søgnina um sigursteinin og ravnin

Rithøvundur: Bergur Rasmussen

Týðari:

Myndir: Silja Strøm

Útgávuár: 2008

Upprunamál: føroyskt

Evni: vættrar, fantasy

Síðutal: 148

Slag: innbundin

ISBN: 978-99918-1-653-1




Í bókini Sigursteinurin, sum er grundað á gomlu søgnina um sigursteinin hjá ravninum, hittast gentan Erla og vætturin Sópikinn.

Erla hoyrir okkurt skav aftan fyri seg og vendir sær á: ”Har stóð eitt grátt skepilsi á gólvinum framman fyri skápinum. Erla hvein. Gráa skepilsið stakk uppfrá og vendi sær kvikliga…”

Sópikinn er úti í týðandi ørindum, og Erla er ein meinbogi á vegnum, so hann má taka eina skjóta avgerð, hvat gerast skal við gentuna.
Nógv stuttligt og spennandi spyrst burturúr sambandinum millum vætturin og gentuna ella millum tað forniska og nútíðina. Vit fara ikki at avdúka, hvat hendir, men lata lesarar sjálvar fara eina øðrvísi ferð saman við Sópikinni.
Bókin er eisini sera væl egnað sum upplestrarbók


Aftur