Sven Nordqvist er føddur í 1946 í Helsingborg og hevur teknað og málað alt sítt lív.
Hann hevur útbúgving sum arkitektur, men hann gjørdist barnabókarithøvundur og illustratørur í 1983, tá ið hann vann eina myndabókakapping við bókini Agaton Öman och Alfabetet, sum forlagið Opal skrivaði út. Stóra gjøgnumbrotið kom tó í 1984, tá ið Pannukøkulagkøkan kom út og lesarin fyrstu ferð hittir Pettson gamla og kettuna Findus.
Myndirnar í bókum hansara eru sera litríkar og fullar í smálutum. Nógv hendir á hvørjari mynd, smáar dunnur, sum fara rennandi við brotnum eggi á børu, lítlar verur, sum standa á krakkum fyri at hyggja út gjøgnum eitt hol, smáar verur á stúltum fyri at røkka upp um borðkantin og mangt annað, sum kann fáa bæði børn og vaksin at sita í tímavís og hyggja í bøkurnar hjá Sven Nordqvist.
Útgávur:
1987 Neyðars Pettson
Pannukøkulagkøkan
1989 Pettson fær vitjan á jólum
Narvi finnur ein stól
1992 Hýruvognurin hjá Narva
1997 Og hanin gól
2001 Tá ið Findus lítli hvarv
2003 Revaveiðan
2005 Rok í veltuni
2008 Pettson tjaldar
Hvar er systir mín?
2012 Findus flytur út
2015 Kennir tú Pettson og Findus?
2016 Hvar er Pettson?
2017 Pettson tjaldar 2. upplag
Revaveiðan 2. upplag
Rok í veltuni 2. upplag
Neyðars Pettson 2. upplag
Pannukøkulagkøkan 2. upplag
Pettson fær vitjan á jólum, 2. upplag
2018 Tá ið Findus lítli hvarv, 2. upplag
2019 Hundatúrurin
2020 Dugir tú onki, Pettson?
2021 Pettson og Findus byggja ein bil
Umrøða:
Boris Halva: Ab ins Traumland. Frankfurter Rundschau 19. november 2008
Annika Gunnarsson: Sven Nordqvist í Contemporary Swedish Illustrators 2013
Viktoria Myrén: Ensamvarg med många beundrare. Opsis Kalopsis nr 2 2017
Ummæli:
Susanne Ekström: Mustigt myller utan ord. Opsis nr 1/2019
Heiður:
2007 Augustprisen fyri Hvar er systir mín?
2020 Northern Lights Book Awards fyri Hundatúrurin
Northern Lights Book Awards fyri Pettson og Findus verkið
