Ein litrík myndabók um ein drong, sum dugir gand
Ongin er at spæla við, og Kaspar keðir seg illa.
Simmsalabimm stendur é einari eskju, sum hann finnur á ovasta lofti. Kaspar tekur lokið av og fer at kanna eskjuna.
'Simmsalabimm og bimmilin,' hoyrir hann knappliga onkran siga, tað er gandastavurin, sum hevur fingið andlit og er farin at tosa.
Og knappliga hendir so øgiliga nógv inni hjá Kaspari og teimum.
Edward Fuglø (f. 1965) er listamaður úr Klaksvík. Hann er útbúgvin á Skolen for brugskunst í Keypmannahavn 1987-91.
Hann er væl kendur sum myndprýðari av frímerkjum og bókum og hevur eisini prýtt bygningar við listaverkum sínum m.a. komuhøllina á Landssjúkarahúsinum.
Edward hevur havt listaframsýningar í Føroyum, Danmark, Íslandi, Svøríki, Hetlandi, Noregi og Grønlandi.
Útgávur:
2017 Gloria og Soria Mora
2014 SimmSalaBimm
2012 Poetikus
2012 Kongur
2011 Vampýrella
2009 Janus er ein stjørna
2007 Apollonia
2002 Føroyar - Putlispælið
Heiður:
1995 Barnabókavirðisløn Tórshavnar býráðs
2001 Norðurlendsku barnabókavirðislønina fyri myndprýðingar.
2002 Annað pláss í Schönste Briefmarke Europas
Bókadeild Føroya Lærarafelags
Pedda við Stein gøta 9
100 Tórshavn
Tel. 61 76 44
bfl@bfl.fo