Nýtt STROK og Píka7 eru úti nú!
Píka7 blað 4 2026
Hesa ferð seta vit sjóneykuna á bókstavin S! S sum summar, stuttleiki, summarfrí, og sól. Kennir tú fleiri summarslig orð við S?
Vit hava eisini hitt Gabriel, sum fekk ársins barnaheiður 2025 fyri at hjálpa vinmanninum, Adami. Ert tú í neyð, ring 112!
Tú kanst eisini lesa alt um Asia – tann størsta heimspartin bæði í stødd og í fólkatali. Asia er ein sera fjølbroyttur heimspartur við øllum frá kava til regnskógir.
Rabarbugreytur er ordiligur summarmatur, so sjálvandi er uppskriftin í Píka7 upp á rabarbugreyt!
Í fjórða parti av fasta táttinum Okkara kroppur, kanst tú lesa um ”motorin” í kroppinum, nevnliga hjartað. Og søgnin hesa ferð er um mannin, ið var eftir í Lítlu Dímun.
Sum altíð er blaðið eisini fult av skemti, ummælum, fakta og stuttligum uppgávum! Og kanska tú kennir onkur av fittu børnunum í glugganum?
Strok blað 4 2026
Hesa ferð hava vit eina stóra samrøðu við tónleikabólkin EBA14, sum vóru í topp 10 til ársins útvarpshitt 2025 við sanginum ”VIT”!
Vit seta sjóneykuna á pubertetin. Tað kann kennast bæði spennandi, løgið og eitt sindur flóvisligt, tá kroppurin broytist.
Vit hava eisini práta við venjaraspírar á Argjum, har børn fáa møguleikan at royna seg sum hjálparvenjarar, sett løgmanni 10 spurningar, og práta við Victor á Lakjuni, sum er partur av Parasport Føroyar.
Sum altíð í STROK er blaðið fult av ummælum av bókum og filmum, uppskriftum, søgum, uppgávum og nógvum, nógvum øðrum! 
