Fjórða av seks bókum um ljóshærdu gentuna Enju við teimum merkiliga bláu eygunum og evnum at síggja meira enn onnur fólk.
Fleiri gomul fólk sita í myrka rúminum. Eingin sigur nakað við hana. Øll sita tigandi. Hon verður sett á ein kodda. Framman fyri hana liggja fýra lutir: Eitt sjál, eitt spegl, ein smúkka og ein dolkur.
Hon blundar og savnar tankarnar. Trummuljóðið gerst harðari og harðari, og ljóðið kemur innan úr huga hennara. Hon kennir ljóðið aftur. Hon plagar at verða so bangin av tí. Men hesa ferð ynskir hon at síggja okkurt. Hon er glað, tá tað ørandi támið kemur móti henni.