Forlagið Dropin gav bókina út á fyrsta sinni í 1984. Elin Súsanna Jacobsen týddi. Nú hevur Elin Súsanna endurskoðað týðingina, og vit geva hana út í dagførdari týðing.
Náttina, tá ið Ronja varð fødd, gekk toran í fjøllunum. Ein sonn fyriboðan um, at hetta var eitt heilt sermerkt barn. Ronja, sum barnið eitur, skal koma at binda bond millum tvær fíggindasinnaðar ættir, so at tey kunnu liva í friði í Mattasarskógi.
Ein klassisk søga um eina sterka gentu við rættvísiskenslu.